Un nuevu proyeutu ñaz dientro de la rede de redes: esbilla.net. ¿Pero qué ye esbilla.net? Cenciellamente ye un sistema asemeyáu a les webs menéame o digg pa ximielgar anuncies. Asturianistes.com recomienda esbilla.net. Suerte a los promotores 
Esbilla.net ye un sitiu con noticies asturianes que se manda d’un control editorial non xerárquicu”
inxeniu 
Asturianistes.com 
No Comments »
Dende Asturianistes.com reproducimos la nota oficial d’UNIDÁ onde dan les gracies a los votantes y simpatizantes que sofitaron la coalición nes pasaes elecciones:
Dende UNIDÁ, queremos agradecer a toles persones qu’andecharon con nós dende la militancia, el trabayu na campaña, firmando’l manifiestu de sofitu, o cenciellamente votando pola opción d’izquierda nacionalista y verde representada pola coalición.
inxeniu Asturianistes.com No Comments »
La coalición UNIDÁ asítiase como la quinta fuercia política d’Asturies. Anque nun algama diputáu na Xunta Xeneral si tien dellos conceyales nos conceyos del país.
inxeniu Asturianistes.com No Comments »
Viernes 25 de mayu
FIESTA FIN DE CAMPAÑA (Mitin y conciertu)
20:00 hores: L’Infiestu - Piloña
Plaza’l Ganáu
Actu públicu y conciertu: Intervendrán José Angel García “Allende”, candidato a l’alcaldía de Piloña por Izquierda Asturiana - Asturianistes por Piloña, Germán Abad, candidatu d’UNIDÁ pola circunscripción oriental y Ignaciu Llope, candidato d’UNIDÁ pola circunscripción central. Darréu conciertu de los grupos Skama la Rede y Llangrés na mesma plaza.
inxeniu Asturianistes.com No Comments »
El candidatu d’UNIDÁ a la Presidencia d’Asturies, Ignaciu Llope, denunció la política de contratación del Ente Públicu de Comunicación asturianu, la RTPA, caracterizada por contratar a productores de fuera d’Asturies, amás de lo abusivo del réxime de subcontratación pol que se xestiona la TV autonómica, lo que fae que les condiciones de trabayu y salariales pa munches de les persones qu’ellí trabayen nun sean les más afayadices.
Pa Ignaciu Llope “la TPA sigue demostrando, más d’un añu depués de la so puesta en funcionamientu, lo que yá tantes veces se criticase enantes de la so puesta en marchar por partíos y colectivos comprometíos con Asturies, xunto colos propios productores asturianos: la total falta de compromisu con Asturies qu’ayude al desenvolvimientu d’un sector audiovisual propiu. Al tiempu que se contrata con empreses de fuera pa producir y facer los productos qu’ocupen la programación de la cadena”. La TPA tresmite permanentemente la idea d’entidá empresarial ayena a Asturies, compra productos prefabricaos a empreses de fuera, afines al gobiernu, saltando constantemente per enriba de les productores asturianes creando empreses empreses pantasma feches as hoc pa ello.
inxeniu Asturianistes.com No Comments »
La coalición UNIDÁ va presentar l’escritu que vien darréu dirixíu a la Procuradora Xeneral del Principáu d’Asturies, María Antonia Fernández Felgueroso, en relación a la imposibilidá de presentase a les elecciones municipales en Xixón.Durante la tramitación de les candidatures d’UNIDÁ pa les elecciones del 27 de mayu, tanto la Xunta Electoral Provincial, como les Xuntes Electorales Locales permitieron la presentación de les candidatures de la coalición formada por Andecha Astur, Izquierda Asturiana y Los Verdes - Grupo Verde a la espera de la resolución nos xulgaos de quien ye la propiedá de les siegles d’Andecha Astur. Sacantes la Xunta Electoral Local de Xixón que nun permitió que los ciudadanos y ciudadanes que formen la candidatura d’UNIDÁ en Xixón se presentaren, torgando los sos derechos civiles.
inxeniu Asturianistes.com No Comments »
Na tarde d’ayeri llunes 21 UNIDÁ celebró en Xixón un mitín electoral nel Hotel Alcomar. Nél intervinieron Ignaciu Llope, candidatu a la presidencia d’Asturies, Faustino Zapico, Secretariu Xeneral d’Izquierda Asturiana (IAS) y candidatu a l’alcaldía de Mieres, y Pablo Rodríguez Alonso, candidatu d’UNIDÁ a l’alcaldía de Xixón vetáu nun inexplicable decisión. Ver más semeyes del actu
En primer llugar intervino Pablo Rodríguez que fizo una crónica de los fechos que llevaron a la illegalización de la llista d’UNIDÁ de Xixón, deplicando como tanto la xunta electoral de Xixón, los xulgaos asturianos como en caberu llugar el Tribunal Constitucional dieron un espectáculu total d’incoherencies, arbitrariedaes, chapuces y inxusticies que llevaron a que los xixoneses nun tengan la oportunidá de votar UNIDÁ pal so conceyu. Con too y con ello, Pablo Rodríguez dexo bien clara la so intención,asina como la de los componentes de la coalición UNIDÁ, se siguir trabayando pa construyir una alternativa nacionalista, verde y d’izquierdes pa Xixón. Nesti sen Rodríguez Alonso animó a los xixoneses a votar la candidatura autonómica d’UNIDÁ.
Faustino Zapico, qu’intervino en segundu llugar, fexo un análisis de la situación d’Asturies, desplicando como les polítques desenvueltes polo partíos mayoritarios y estatales son correponsables de nun ser quien a enfrentase a la reconversión de los sectores productivos tradicionales asturianos, llevándonos en 2007 a una situación llaceriosa, onde’l paru, la baxa tasa d’actividá y la emigración de la xeneración más preparao de la hestoria d’Asturies son casi yá elementos definitorios d’esti país. Nesti sen Zapico definió a UNIDÁ como la coalicón incomoda pa les otres opciones polítiques, la única capaz de proponer a los asturianos una alternativa viable y realista pa tonar la situación actual d’Asturies. Asina Zapico dixo qu’UNIDÁ ta equí pa quedase, anque dende munchos ámbitos tean poniéndose toles torgues del mundu pa poder presentase a estes elecciones.
Finalmente, el candidatu a la presidencia d’Asturies, Ignaciu Llope, fizo un repás rápidu a les principales propuestes d’UNIDÁ. Asina un exe del so discursu foi, la valoración de les señes d’identidá d’Aturies, non solo como un patrimoniu a defender, sinón tamién como unos activos que pueden ser unos elementos más de la recuperación económica, social y cultural d’Asturies como país. Llope tamién faló de la necesidá de rediseñar la política de desarrollu territorial d’Asturies, ya que’l candidatu definió la política actual de desarrollu como depredadora, al tar pensanda non n’interés de los asturianos, sinón pa convertir a Asturies en llugar de recréu pa turistes, vaciando l’oriente y l’occidente acutándolos pa segundes residencies, a la vez que se satura una zona centru d’Asturies nes escuru proyectu llamáu Ciudad Astur. Iganciu Llope tamién faló de la necesidá de rexenerar la vida política asturiana, buscando desaniciar la rede clientelar d’intereses que carez nestos momentos. Pa ello Llope comentó ente otres medíes la de llimitar a 8 años la estancia en cargos públicos.
Como puntu final del so discuru Llope reiteró la intención d’UNIDÁ de convertise n’instrumentu útil p’actuar sobre la realidá asturiana, arriendes de definir a UNIDÁ como dalgo más qu’una coalición electoral, sinón como dalgo que representa una intención de les organización que la componen de trabayar en comuña con vistes al futuru nuna alternativa asturiana verde y d’izquierdes.
inxeniu Asturianistes.com No Comments »
El secretariu xeneral d’Izquierda Asturiana y candidatu a l’alcaldía de Mieres, Faustino Zapico, ta acabante d’estrenar la so bitácora na rede de redes. El blog electoral de Faustino Zapico tien artículinos per interesantes como son:
Otru camín pa Mieres ye posible y necesariu
De Porto Alegre al conceyu abiertu o lo primero de too la democracia
Otru camín pa Mieres… y p’Asturies
inxeniu Asturianistes.com No Comments »
